أنا اليوم بالرياض و بكرا بفيحان
بإذن الكــريم اللي علينا فضايله
اليوم أنا بالرياض وبكرا بفيحان
المذنب اللي مجمع الطيب بحمايله
الله يـعـمر ديـرتك يابـن نقيثان
من وابل سيله يفـيـض مسايله
يالله عسى تسقيه من غر الأمزان
نوه وخـيـاله يفرح اللي يخـايله
من مطــر له عشرة أيــام هتان
شف المصيه وروضة الزرع سايله
تلقى شعابه فايضة مع الوديان
وشعيب أبو جصه شف غثاه شايله
وادي المربع معه وادي وثيلان
جـمـيـع أهـلها يعتبرون عايله
الـمـذنب اللي يذكرونه بالأزمان
الـــواحد منهم ما تعدد شمايله
الـمـذنب اللي كلهم ربع و خوان
أعـــلام سلفنا يذكرونه بفايله
جـــماعة والله يعــدون شجعان
الشاهد الله ماقط ذكرت خمايله
مــا منهم العايل ولا الغــطان
هذي عـــوايدهم والأيام زايله
الضيف يقدم مــــع البن خرفان
يا للي إشتهر جودك والأيام مايله
ياديرتي يا منبع الجود والعرفان
من يرخص المذنب فهو من هبايله
مالك شبيه بالكرم وبذل الإحسان
يا خير مـقـدر أعــداد جمايله
يالله أنا طالبك يا مزيل الأحزان
يا رازق المخلوق يا منشي همايله
تحفظ لنا دار ضمتنا بالأحضان
يا خالق الإنسان و مقدر فعايله
وأجعل جماعتنا على الحق عوان
ياغافر الزلات لا تبين فشايله
وألطف بحالي يوم زوغات الأذهان
عـلى نـبي ما تعـدد فــضايله
صلاة ربي عد من سمع الآذان
الرئيسية 
التسجيل 
دخول 
الأربعاء أغسطس 08, 2007 4:54 am